Këshilli Prokurorial i jep mbështetje Koordinatores Pula për mbrojtjen e votës më 9 shkurt

Kryesuesi i Këshillit Prokurorial të Kosovës, Ardian Hajdaraj dhe Koordinatorja Nacionale për Zgjedhje nga radhët e sistemit prokurorial,  Laura Pula janë pajtuar në takimin e sotëm që të gjitha aktivitetet të kenë në vëmendje moscenimin e procesit aktual zgjedhor dhe mbarëvajtjen e rregullt deri në përmbylljen e tij.

“Kryesuesi Hajdaraj përgëzoi Koordinatoren Pula dhe stafin e saj për gatishmërinë e treguar dhe angazhimin konsekuent përgjatë viteve të kaluara në mbrojtje të votës së qytetarëve dhe, njëkohësisht, i shprehu mbështetjen dhe përkrahjen e tij në këtë proces të zgjedhjeve nacionale në vendin tonë. “Zonja Pula keni mbështetjen tonë të plotë për trajtimin e secilit rast dhe i bashkohem ftesës dhe apelit tuaj që qytetarët t’i raportojnë rastet tek Prokurori i Shtetit dhe Policia e Kosovës, të cilët mund të kenë informata për cenimin e fshehtësisë së votës apo për çfarëdo veprimi tjetër i cili përbën vepër penale kundër të drejtës së votimit”, thuhet në njoftimin e Sistemit Prokurorial.

Njoftimi i plotë:

Kryesuesi Hajdaraj priti në takim Koordinatoren Nacionale për Zgjedhje nga radhët e sistemit prokurorial, znj. Laura Pula

Prishtinë, 28 janar 2025 – Kryesuesi i Këshillit Prokurorial të Kosovës (KPK), z. Ardian Hajdaraj, priti në takim Koordinatoren Nacionale për Zgjedhje nga radhët e sistemit prokurorial, prokuroren në Zyrën e Kryeprokurorit të Shtetit, znj. Laura Pula.

Fillimisht, Kryesuesi Hajdaraj përgëzoi Koordinatoren Pula dhe stafin e saj për gatishmërinë e treguar dhe angazhimin konsekuent përgjatë viteve të kaluara në mbrojtje të votës së qytetarëve dhe, njëkohësisht, i shprehu mbështetjen dhe përkrahjen e tij në këtë proces të zgjedhjeve nacionale në vendin tonë. “Zonja Pula keni mbështetjen tonë të plotë për trajtimin e secilit rast dhe i bashkohem ftesës dhe apelit tuaj që qytetarët t’i raportojnë rastet tek Prokurori i Shtetit dhe Policia e Kosovës, të cilët mund të kenë informata për cenimin e fshehtësisë së votës apo për çfarëdo veprimi tjetër i cili përbën vepër penale kundër të drejtës së votimit”, tha z. Hajdaraj.

Gjithashtu, znj. Pula njoftoi Kryesuesin Hajdaraj për planin operativ të institucionit të Prokurorit të Shtetit për mbrojtjen e votës së lirë të qytetarëve të Republikës së Kosovës në zgjedhjet nacionale, të cilat mbahen më 9 shkurt 2025.

Kryesuesi Hajdaraj dhe Koordinatorja Pula janë pajtuar në takimin e sotëm që të gjitha aktivitetet të kenë në vëmendje moscenimin e procesit aktual zgjedhor dhe mbarëvajtjen e rregullt deri në përmbylljen e tij, përfshirë këtu edhe bashkëpunimin e afërt me institucionet e tjera ligjzbatuese dhe atyre që merren me administrimin e zgjedhjeve dhe shqyrtimin e rasteve zgjedhore.

© SYRI.net

Lexo edhe:

• Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
• Live - Protesta nuk ndalet: Rama jepe dorëheqjen
• Diaspora paralajmëron protestë më 4 korrik në Tiranë