Iljazi: Në qeverisjen tonë prodhuesit tanë do të marrin mbështetje deri në një miliard euro për investime

Jeta Statovxi dhe Lendrit Iljazi të dy kandidat për deputet nga partia GUXO, kanë vizituar një nga bizneset kosovare të suksesshëm në vend.

Ata gjatë takimit me drejtuesit e kompanisë kanë ndarë edhe vizionin e qeverisjes pas 9 shkurtit. E që partia Guxo në koalicion me Vetëvendosjen dhe Alternativën po tentojnë të rimarrin edhe një mandatë katër vjeçare.

“Së bashku me deputeten Jeta Statovci, vizituam kompaninë BBI PLAST, një shembull i shkëlqyer i një biznesi familjar të suksesshëm në Kosovë. Themeluar në vitin 2017 nga Irfan R. Zekolli, kjo fabrikë filloi me vetëm 4 makineri prodhimi dhe sot, pas 8 vitesh, ka arritur në 13 makineri, duke punësuar gjithsej 19 persona, prej të cilëve 90% janë gra. Veprimtaria kryesore e kompanisë është prodhimi i ambalazheve plastike (shishe) nga 0.100 ml deri në 4 litra, të cilat përdoren në sektorë si industria e higjienës, vajrave motorikë dhe ajo ushqimore.

Gjatë vizitës, ndamë me drejtuesit e kompanisë vizionin e qeverisë sonë për mandatin e ardhshëm katërvjeçar, me fokus të veçantë në programin për mbështetjen e bizneseve prodhuese deri në një miliard euro për investime të mesme dhe të mëdha në ndërmarrjet prodhuese në të gjithë Kosovën”, shkruan Iljazi në postimin e tij në Facebook.

 Kujtojmë se Lendrit Iljazi është kandidat për deputet për herë të parë në këto zgjedhje se në listën e LVV-së mbanë numrin 37.

© SYRI.net

Lexo edhe:

• Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
• Live - Protesta nuk ndalet: Rama jepe dorëheqjen
• Diaspora paralajmëron protestë më 4 korrik në Tiranë