Një aksident i rëndë trafiku ka ndodhur në magjistralen Mitrovicë-Pejë, konkretisht në fshatin Çubrel, ku tre persona kanë humbur jetën.
Sipas njoftimit të Policisë, në këtë aksident janë përfshirë dy vetura, njëra prej të cilave ishte veturë zyrtare e Policisë.
Si pasojë e përplasjes, kanë humbur jetën tre persona civil, ndërsa pesë persona të tjerë janë lënduar, katër prej tyre zyrtarë policorë.
Njësitet policore dhe stafi menaxhues kanë mbërritur menjëherë në vendin e ngjarjes, ku hetuesit e njësitit rajonal të trafikut rrugor po punojnë për zbardhjen e rrethanave dhe shkaqeve të aksidentit.
Policia ka bërë të ditur se për rastin janë njoftuar edhe institucionet kompetente, përfshirë IPK-në dhe Prokurorin kompetent, të cilët pritet të dalin në vendin e ngjarjes për të vazhduar hetimet.
Rastin e ka bërë të ditur, fillimisht kryetari i Komunës së Skenderajt, Fadil Nura.
“Sapo u njoftuam për një aksident me fatalitet të ndodhur në rrugën magjistrale Mitrovicë – Pejë, përkatësisht në fshatin Çubrel, ku për pasojë tre persona kanë vdekur. Lutemi për të dhe për të aksidentuarit e tjerë”, ka shkruar Nura në Facebook.
Kryetari i Skenderajt iu ka shprehur ngushëllime familjeve të viktimave.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
Live - Protesta nuk ndalet: Rama jepe dorëheqjen 
Diaspora paralajmëron protestë më 4 korrik në Tiranë