Incident me armë zjarri në një poligon në Gjilan, dyshohet se është plagosur një polic

Një zyrtar policor është plagosur të premten nga arma e zjarrit në një poligon privat në dalje të qytetit të Gjilanit.

I plagosuri raportohet se është dërguar për trajtim mjekësor në Prishtinë.

Portali Dukagjini ka kontaktuar Policinë e Kosovës, dhe po pret përgjgije nga ana e tyre për më shumë detaje rreth rastit.

Dyshohet se i përfshirë në rast është edhe një qytetar, por ende nuk janë të qarta arsyet që çuan në plagosje.

Në vendin e ngjarjes kanë mbërritur menjëherë ekipet e Policisë, të cilat po hetojnë rrethanat e ngjarjes.

Po ashtu, është njoftuar edhe Inspektorati Policor i Kosovës dhe Prokuroria për të hetuar më tej.

Siç raporton Kallxo.com, zyrtari policor që ka mbetur i plagosur është pjesë e gjeneratës së fundit të Policisë, e cila u diplomua më 24 janar 2025.

© SYRI.net

Lexo edhe:

• Kreu i Degës së Ferizajt mbështet Abdixhikun mes kërkesave për dorëheqje: Po duan ta dëmtojnë LDK’në nga brenda
• Live - Protesta nuk ndalet: Rama jepe dorëheqjen
• Diaspora paralajmëron protestë më 4 korrik në Tiranë