Iker Casillas tani ka hedhur poshtë zërat se ai do të hedhë kandidaturën për president të Federatës Mbretërore të Futbollit Spanjoll (RFEF).
Kujtojmë se, në shkurt të 2020-ës, ish-portieri i Portos deklaroi se ishte kandidat, por më pas u tërhoq.
Në këto zgjedhje, Luis Rubiales kandidoi si i vetmi kandidat dhe u rizgjodh, pasi e kishte marrë fillimisht detyrën në maj 2018.
Rubiales është larguar nga ky post pas polemikës së shkaktuar në Botërorin e Futbollit për Femra, ku puthi në buzë futbollisten Jenni Hermoso, por Casillas nuk ka ndërmend të kandidojë.
“Në kohën e duhur, u prezantova dhe vendosa që nuk do të vijoja më tej. Është diçka që unë po e vlerësoj”, tha Iker Casillas në një deklaratë të bërë gjatë një ceremonie që u zhvillua në Madrid.
Federata spanjolle vazhdon të përjetojë ditë të vështira pas largimit të Rubiales.
© SYRI.net
Bëje LIKE dhe merr lajmin e fundit nga Sporti: