Mund të konsiderohet edhe një formalitet, por janë hapat e nevojshëm për Milanin dhe Piolin, edhe pse fundi dihet.
Klubi dhe trajneri do të ndahen dhe të fillojnë të mendojnë për të ardhmen.
Ajo e teknikut emilian është pezull mes dëshirës për të kaluar te Napoli dhe propozimeve të tjera.
Ajo e Milanit mbetet pezull mes dy emrash, Paulo Fonseca ose Roberto De Zerbi. Kandidatët për stolin janë vetëm këta të dy.
Hapat për t’u kryer janë këta; Milano do të thërrasë trajnerin për t’i komunikuar vendimin për të ndërprerë raportin, duke i dhënë kohën që të marrë dhe përshëndetjen e tifozëve që jo rastësisht ndërprenë grevën e javëve të fundit.
Pas kësaj palët duhet të gjejnë një pikë takimi për koston e ndarjes.
Pioli ka një tjetër vit në kontratë dhe synimin për të marrë atë që i takon, por edhe dëshirën për të gjetur një tjetër skuadër.
Milani do të duhet t’i japë teknikut një dëmshpërblim lehtësisht të reduktuar në krahasim me pagën e vitit të fundit në kontratë.
Menjëherë më pas, drejtuesit e Milan-it duhet të nxitojnë për të gjetur pasuesin.
Fonseca që ka marrë kohë për t’ju përgjigjur ofertës së rinovimit nga ana e Lille është lehtësisht në avantazh ndaj Roberto de Zerbi-t, zgjedhje që vlerësohet më tepër nga tifozeria kuqezi.
Për të arritur te Fonseca është më e thjeshtë pasi për ish-teknikun e Brighton që ka përfunduar edhe në shënjestër të Barcelona-s çështja komplikohet nga shuma që i duhet paguar klubit anglez.
Klauzola e lirimit prej 15 milionësh është reduktuar ndjeshëm pas akordit të përbashkët të ndarjes së De Zerbi-t me klubin, por dëmshpërblimi prej 5 milionë eurosh që i përket Brighton mbetet një nyjë e vështirë për t’u zgjidhur.
Ashtu si Fonseca e ndoshta dhe më tepër edhe De Zerbi do ta pranonte më dëshirë Milan-in, pasi aty është rritur si futbollist dhe kurrë nuk e ka fshehur se mbetet veçanërisht i lidhur me kuqezinjtë.
Vendimi gjithsesi ende nuk është marrë, ose ndoshta është marrë por klubi nuk mund ta komunikojë pasi më parë duhet të mbyllë zyrtarisht raportin me Pioli-n.
Një javë e rëndësishme për Milan-in hapat e radhës në rend kronologjik do të jenë pikërisht këta, komunikimi i lamtumirës ndaj Pioli-t, përshëndetja e trajnerit me tifozët në ndeshjen me Salernitana-n dhe javën e ardhshme lajmërimi i trajnerit të ri.
Gjithçka brenda 7 ditësh për të menduar më pas për skuadrën që do të nisë sezonin e ardhshëm ndjekjen e yllit të dytë në fanellë.
© SYRI.net
Bëje LIKE dhe merr lajmin e fundit nga Sporti: