Tifozët e skuadrës braziliane të Corinthians rrahën futbollistin e tyre Luan pasi u futën në një motel në Sao Paulo dhe e gjetën atë në mes të një orgjie, sipas mediave braziliane.
Që nga shkurti i vitit 2022, Luani nuk ka luajtur për klubin për arsye të ndryshme dhe duke qenë se merr rregullisht rrogë, tifozët ishin të pakënaqur me sjelljen e tij dhe vendosën ta ndëshkojnë.
Ai mbërriti te Corinthians në vitin 2020 dhe ka zhvilluar 80 paraqitje që atëherë, por sulmi i fundit fizik në një motel ka të ngjarë të ndikojë në vendimin e tij për t'u larguar nga klubi.
Corinthians' ultras invaded a motel where they found player Luan (who has been accused of low performance) in an orgy. The ultras pressured him to terminate his contract and then proceeded to assault him. 🇧🇷 [@geglobo] pic.twitter.com/MVYwoUeAQq
— Football Talk (@FootballTalkHQ) July 4, 2023
Thuhet se tifozët kanë përdorur metoda të ndryshme për ta larguar më parë, por mesfushori thjesht ka dashur të qëndrojë deri në fund të kontratës së tij, e cila është deri në fund të sezonit.
Mirëpo, tani e kanë gjetur me katër shokë të tjerë dhe pesë shoqe, ndërsa në të gjithë rastin është përfshirë edhe policia.
Ai ka luajtur më parë për Gremio dhe ishte një nga futbollistët më të mirë të tyre dhe madje ishte në listën e kombëtares së Brazilit.
Luan fitoi medaljen e artë në Rio me kombëtaren olimpike të Brazilit, por që nga mbërritja te Corinthians në vitin 2020, ai nuk shkëlqeu, ndaj iu desh të shkonte në huazim te Santos.
© SYRI.net
Bëje LIKE dhe merr lajmin e fundit nga Sporti: