Lajmi pati efektin e një bombe në të gjithë Anglinë. I përfshirë në një aferë bastesh sportive, sulmuesi i Brentfordit , Ivan Toney , është përjashtuar nga çdo aktivitet që lidhet me futbollin për tetë muaj. E ndërsa klubi i tij thjesht reagoi duke shpjeguar se ishte në pritje të publikimit të arsyeve të këtij pezullimi, ndërkohë Tonay theu heshtjen në rrjetet e tij sociale.

“Sot (mbrëmjen e djeshme) u njoftova për pezullimin tim për të luajtur futboll për tetë muaj pas një seance dëgjimore para një Komiteti Rregullator të FA të mbajtur dje. Natyrisht jam i zhgënjyer që nuk do të jem në gjendje të luaj për tetë muajt e ardhshëm. Duke qenë se arsyet me shkrim për vendimin e Bordit nuk janë publikuar ende, nuk do të bëj komente të tjera në këtë fazë, përveçse të falënderoj familjen dhe miqtë e mi, Brentford dhe tifozët tanë për mbështetjen e palëkundur, dobësinë në këtë periudhë shumë të vështirë. Fokusi im tani është të kthehem në lojën që dua sezonin e ardhshëm ”, shkroi ai në Twitter.