Liga e Europës mësoi mbrëmjen e djeshme katër skuadrat gjysmëfinaliste të aktivitetit.
Në lojë janë italianët e Juventusit dhe Romës, rekordmenët e Seviljes si dhe surpriza gjermane e Bajer Leverkusen.
Një gjysmëfinale do të jetë ajo mes Juventusit dhe Seviljes, me italianët që cilësohen favoritë, por kanë përballë specialistët e turneut që kanë fituar 6 herë këtë trofe.
Juventusi luan në fushën e vet ndeshjen e parë, teksa kthimi zhvillohet në Spanjë.
Në duelin tjetër, Roma do të jetë pritëse në ndeshjen e parë ndaj Bajer Leverkusen.
Kjo e fundit, në drejtimin e Xabi Alonsos, ka kaluar nga një skuadër që po luftonte për mbijetesë në Bundesligë, në pretendente për një torfe europian.
Ndeshjet e para të fazës gjysmëfinale të turneut do të luhen më datë 11 maj, ndërsa ndeshjet e kthimit më datë 18 maj.
© SYRI.net
Bëje LIKE dhe merr lajmin e fundit nga Sporti: