Pavarësisht raportimeve që e lidhnin me një largim, Diego Simeone tani pritet që të qëndrojë tek Atletico Madridi.

Pas rënies që në fazën e grupeve të Ligës së Kampionëve dhe eliminimit në Kupën e Mbretit, Simeone u vu nën presion serioz.

Megjithatë, që nga Kupa e Botës, “Los Colchoneros” janë ngritur në tabelë nga pozita e pestë në të tretën dhe janë skuadra e dytë më e mirë në La Liga gjatë kësaj periudhe, pas Barcelonës.

Duket se kjo ka qetësuar situatën dhe sipas “El Periodico de Espana”, Simeone do të qëndrojë tek Atletico Madrid deri në fund të kontratës së tij, që skadon në verën e vitit 2024.

Megjithatë, trajneri argjentinas thuhet se do të ulë gjithashtu pagën e tij nga 20 milionë euro në vit në 16.5 milionë euro, me shpresën për të bërë më të mirën e tij për të zbutur humbjen e papritur të të ardhurave nga futbolli evropian.

Në nëntor të vitit të kaluar dukej sikur Simeone ishte gjithnjë e më i pasigurt se si të merrte më të mirën nga ekipi i tij, por duket se e ka gjetur formulën edhe një herë në gjysmën e dytë të sezonit.

52-vjeçari është pjesë e Atletico Madridit që nga viti 2011.