Trajneri i Real Madridit, Carlo Ancelotti, në konferencën ku foli për ndeshjen e së mërkurës kundër Bayern Munchen, e vlefshme për gjysmëfinalen e dytë të Champions League, me përballjen e parë mes tyre që përfundoi me barazimin 2-2, deklaroi se ekipi i tij ka një mundësi të madhe për të shkuar në finale.

“Do të duhet të përpiqemi të bëjmë më të mirën. Kemi një mundësi të madhe për të arritur në finale, por duhet të kemi parasysh që do të kemi shumë vështirësi”-tha fillimisht ai.

I pyetur se cilit do i besohet porta për këtë takim, italiani theksoi se Lunin do të jetë gardiani i kësaj ndeshje kaq vendimtare.

“Portieri do të jetë Lunin. Ne nuk mund të ndryshojmë planet, duke ditur që dikush kthehet nga një dëmtim serioz dhe i gjatë. Thibaut do të duhet të marrë kohën e tij për të arritur në gjendjen më të mirë”, u shpreh Ancelotti.