Marash Kumbulla e kuptoi menjëherë se me atë goditje ndaj Berardit, kishte bërë një gabim të madh por nga ajo që zbërthejnë mediat italiane, mbrojtësi kuqezi u përpoq ta justifikonte gjestin që i kushtoi të kuqin.

Pasi goditi Berardin e shtrirë në tokë dhe u ndëshkua me të kuqe e skuadra e tij me një 11-metërsh, Kumbulla tentoi t’i shpjegonte gjyqtarit Fabbri, arsyen:

“Më goditi edhe ai dhe ti më ndëshkon me të kuq vetëm mua?”.

Në fakt, Kumbulla pretendon se ishte sulmuesi i Sassuolos ai që e goditi i pari duke provokuar reagimin e tij.

Arbitri nuk dëshiroi të dëgjonte asnjë justifikim nga shtatlarti me origjinë shkodrane duke lënë në fuqi vendimin për karton të kuq dhe 11-metërsh.