Ish-mesfushori i Barcelonës, Çesk Fabregas, është ngacmuar në lidhje me skandalin më të fundit ku janë përfshirë katalanasit në lidhje me pagesat për gjyqtarët.
Fabregas që luajti për 3 vjet te Barcelona (2011-2014) ka folur për “El Larguero”, duke theksuar të kundërtën. Sipas tij pikërisht prej gjyqtarëve në muzeun e trofeve të Barcelonës mungon një titull kampion si në sezonin 2013-2014 për një gol gabimisht të anuluar të Mesit.
“Nuk i besoj shumë këtyre historive, sepse unë i kam jetuar historitë vetë. Mua dhe Barcelonës na kanë hequr një titull në vitin 2014 në favor të Atletikos. Mesit iu hoq një gol që ishte plotësisht i rregullt, pasi unë nuk e preka topin, por Huanfran”, tha mesfushori aktual i Komos në Serinë B.
© SYRI.net
Bëje LIKE dhe merr lajmin e fundit nga Sporti: