Mbrëmë, Interi triumfoi me rezultatin 3-0 ndaj Milanit në finalen e Superkupës së Italisë dhe topi që u dërgua në rrjetën e rivalëve të qytetit u fut menjëherë në një kuti xhami.

Golat për zikaltrit u shënuan nga Federico Dimarco, Dzeko dhe Lautaro Martinez dhe arbitri i ndeshjes, Fabio Maresca, pas çdo goli, merrte topin që përfundonte në rrjetë dhe ia çoi gjyqtarit të katërt, i cili i ruajti në një kuti qelqi.

Shumëkush pyeti veten pse Maresca e bëri këtë dhe arsyeja u zbulua shpejt nga kompania Socios.com, e cila është partnere e futbollit italian.

Haciendo historia con los coleccionables de @socios . En vivo por televisión, el balón con el que se anotó se entregará a un poseedor de Fan Token y se certificará en @chiliz blockchain.
Powered by ⚡️ $CHZ pic.twitter.com/Tmcs89ub1i

— Chiliz ESPAÑA 🇪🇸 ($CHZ) (@ChilizESP) January 18, 2023

Është një platformë blerjeje “token” e destinuar për tifozët dhe atletët dhe argumentet mund të përdoren për të blerë produkte materiale.

Të tre topat që përfunduan në rrjetën e Milanit do të dalin në ankand, njoftoi Socios.com.

Tifozët që kanë një minimum prej 600,000 token, që është çmimi fillestar i topit, do të mund të marrin pjesë në ofertën për topin.

Meqë ra fjala, ky ishte titulli i shtatë i Interit në Superkupën e Italisë, duke u barazuar pikërisht me Milanin në vendin e dytë. Juventus ka fituar më shumë, nëntë.