Makina me familjen e trajnerit të Porto-s, Sergio Conceicao , u qëllua me gurë të martën në mbrëmje teksa po largohej nga stadiumi “Dragao” pas humbjes së rëndë të klubit portugez (4-0) kundër Brugge në Ligën e Kampionëve, raportuan mediat në Portugali këtë të mërkurë.

Sipas të përditshmes sportive “Record”, automjeti në të cilin ndodheshin bashkëshortja e trajnerit 47-vjeçar dhe dy djemtë e tij është shënjestruar nga një grup tifozësh teksa ai po largohej nga stadiumi.

Tifozët thyen me gurë xhamat e makinës dhe ofenduan pasagjerët e saj, por pa i lënduar, raporton shtypi portugez.

Conceicao është në sezonin e tij të gjashtë në pankinën e Portos, teksa e ka udhëhequr ekipin në fitimin e tre kampionateve, tre Superkupave të Portugalisë dhe dy Kupa të Portugalisë.

Ai do të drejtojë rregullisht stërvitjen e sotme, pavarësisht frikës së madhe për familjarët.