Kampioni i botës në peshat e lehta të Federatës Ndërkombëtare të Boksit, Florian Marku është kthyer në Shqipëri për të festuar titullin.

Ai është shfaqur fillimisht në një ‘Ferrari’ duke vozitur në autostradë me këngën e vjetër të reperit të njohur shqiptar, Noizy. Më pas ai shfaqet duke u pritur në një lagje nga disa simpatizantë të rinj.

‘’Përshëndetje të gjithëve, ju falënderoj nga zemra për përkrahjen, si në rrjetet sociale, si dhe nëpër rrugë që më ndalojnë makinat e njerëzit e më urojnë fitoren. Jam kënaqur këto ditë në Shqipëri, pas fitores ka qenë diçka e pabesueshme. Ky është vetëm fillimi. Mezi pres të kthehem në Anglie të vazhdoj me përgatitjet e të sjell më shumë tituj në Shqipëri. Ju ruajt zoti e ju uroj një fundjavë sa më të bukur’’ tha Marku.