23 % e familjeve shqiptare jetojnë nën minimumin jetik. Raporti më i fundit i Bankës Botërore tregoi se kostot e jetesës në Shqipëri janë rritur me 9. 4 %, ndërsa shkaku kryesor janë rritja e çmimeve. Vetë qytetarët deklarojnë se me të ardhurat që kanë nuk sigurojnë dot as ushqimet, ndërsa për ekspertët edhe premtimi për rritje pagash nga qeveria solli abuzime me çmimet, e sot tregu është jashtë kontrollit.
Nga SYRI TV
Kriza ekonomike dhe rritja e çmime ka rritur ndjeshëm kostot për familjet shqiptare.
Raporti më i fundit i Bankës Botërore tregon se 23 % e popullsisë, jeton në kufirin e minimumit jetik që sipas Bankës Botërore është 6. 7 dollarë.
Ndërsa varfëria thellohet në Shqipëri, kostot e sigurimit të jetesës janë rritur me 9. 4 %. Por ky raport konfirmohet edhe nga vetë qytetarët, të cilët deklarojnë se me të ardhurat që kanë nuk garantojnë dot as ushqimin e ilaçet.
Ekspertët e lidhin këtë situatë edhe me politikat e ndërmarra nga qeveria sa i përket tregjeve dhe rritjes së pagave. Sipas Bardh Sejdarasit, premtimi për rritje pagash ka nxjerrë jashtë kontrollit çmimet, ku ka pasur abuzime e rritje të mëdha duke rënduar edhe më shumë xhepat e qytetarëve.
Për të shmangur rritjen e varfërisë, eksperti sugjeron të nxitet dhe të riformësohet tregu i punës, ndërsa shikon si emergjente reformimin e skemës së pensioneve.
© SYRI.net