Nis të dëmtohet ura e vjetër e Bunës. Vepra e artit e ndërtuar më shumë se një shekull më parë, u rikonstruktua pesë vjet më parë nga Ministria e Mbrojtjes. Në atë kohë u shpenzuan plotë 100 milionë lekë për rikonstruksionin e Urës, por objekti i trashëgimisë kulturore kërkon përsëri investim.
Nga SYRI TV
Pesë vjet pasi u shpenzuan 100 milionë lekë për rikonstruksionin e saj, ura e vjetër e Bunës, e cilësuar si monument kulture i kategorisë 2, është dëmtuar përsëri.
Pasarelat prej dërrase të saj janë thyer, duke u bërë të rrezikshme për këmbësorët që e përdorin si shëtitore apo dhe qytetarët që kalojnë çdo ditë në të.
Qytetarët kërkojnë që ura të mirëmbahet, pasi sipas tyre është një vepër e rrallë për Shkodrën.
Drejtues të Prefekturës dhe Drejtorisë së Trashëgimisë kulturore në Shkodër, kanë premtuar se kjo urë do t`i nënshtrohet përsëri rikonstruksionit. Për të pyetur për afatet, SYRI TV kontaktoi me drejtorinë e monumenteve në Shkodër, por ky institucion nuk u përgjigj.
Gazetar: F. Maka
Operator: E. Hajdari
Redaktor: J. Hoxhaj
Montazhier: T.Foto
© SYRI.net