Bashkia e Beratit ende nuk ka ndërtuar një treg ku banorë të zonave rurale, të shesin prodhimet e tyre bujqësore dhe blegtorale. Aktualisht, rrugët e qytetit janë kthyer në treg, ndërsa produktet të ndryshme konsumi shiten jashtë çdo kushti higjeno- sanitar, duke vënë në rrezik shëndetin e konsumtorit.
Nga SYRI TV
Teksa investohen miliona euro për ndërtimin e një parkingu, bashkia e Beratit ende nuk ka një treg ku banorë të zonave rurale të shesin prodhimet e tyre bujqësore në kushte higjeno-sanitare.
Prodhime bujqësore dhe blegtorale tregtohen çdo ditë në rrugët e qytetit të Beratit, jashtë çdo kushti higjeno-sanitar, duke vënë në rrezik jetën e konsumatorëve.
Tregtarët thonë se edhe një treg që ishte, bashkia e prishi, ndërsa për ndërtimin e tregut të ri ende nuk është bërë asgjë.
Nga ana tjetër, të kontaktuar nga SYRI TV, drejtues të AKU në Berat teksa pranojnë rrezikun që vjen nga shitja e produkteve në kushte jo të përshtatshme, thonë se përgjegjëse për këtë situatë është bashkia e Beratit.
Gazetar: A. Hajdari
Redaktor: J. Hoxhaj
Montazhier: T. Foto
© SYRI.net