Çmimet e imputeve bujqësore dhe plehrave kimike në Gjirokastër këtë vit janë rritur tre herë më shumë krahasuar vetëm me një vit më parë. Për këtë arsye, qindra fermerë në zonën e Libohovës tregojnë se po braktisin tokën, duke akuzuar shtetin si fajtorin kryesor të kësaj situate.
Nga SYRI TV
Viti ka nisur në mënyrë të zymtë për fermerët. Kështu shprehen blegtorët e bashkisë së Libohovës, të cilët akuzojnë shtetin se po i çon në faliment për shkak të rivendosjes së TVSH-s për imputet bujqësore.
Ndërsa ministrja e Bujqësisë, zhvillon show televiziv duke prezantuar skema miliona euro për subvencionin e fermerëve, këta të fundit po braktisin çdo ditë e më shumë tokën dhe Shqipërinë.
Nëse një vit më parë çmimet e plehrave kimike ishin disi të përballueshme, këtë vit, sipas fermerëve, ato janë trefishuar, duke i shtyrë fermerët drejt humnerës.
Gjatë tetë viteve të qeverisjes socialiste, fermerët thonë se janë subvencionuar vetëm një herë.
Pak ditë më parë, qindra blegtorë nga qarku i Fierit, Vlorës dhe Gjirokastrës, protestuan në fshatin Jorgucat duke kërkuar mbështetje për këtë sektor, pasi janë në prag të falimentimit.
© SYRI.net