Komuniteti Mysliman i Shqipërisë njoftoi sot besimtarët se dita e parë e Kurban Bajramit është më 31 Korrik 2020.

Komuniteti Mysliman edhe këtë vit do realizojë shpërndarjen e mishit të Kurbanit, ku do të përfitojnë familjet në nevojë në shkallë vendi.

KMSH do të organizojë prerjen e kurbaneve dhe shpërndarjen e mishit familjeve në nevojë në emër të të gjithë atyre që nuk kanë mundësi të organizojnë prerjen dhe shpërndarjen e kurbanit në mënyrë individuale.

Kush dëshiron të presë kurban, mjafton të bëjë pagesën pranë Komunitetit Mysliman ose në numrat e llogarive dhe KMSH do të kujdeset për realizimin e këtij obligimi

Sipas fesë islame, rituali dhe festa e Kurban Bajramit fillon me faljen e tij herët në xhami, vazhdon me prerjen e kurbanit për atë që ka mundësi dhe shpërndarjen e mishit për njerëzit në nevojë, duke mbaruar me vizitat në të afërm, fqinj, shokë e miq, njoftn KMSH.