Mijëra persona dolën sot nëpër rrugët e Tbilisit pas thirrjeve të partive opozitare për protesta të mëdha kundër partisë në pushtet, 'Ëndrra Gjeorgjiane' (Georgian Dream) në ditën e zgjedhjeve lokale.
Qëllimi i tyre është t’i rikthejnë protestat ditore që kanë nisur vitin e kaluar, pas shkeljeve të dyshuara në zgjedhjet parlamentare dhe vendimit të Qeverisë për t’i ndalur bisedimet për anëtarësim në Bashkimin Evropian.
Në orët e mbrëmjes protestuesit tentuan të hyjnë në pallatin presidencial në Tbilisi. Policia e Gjeorgjisë u detyrua të përdorë sprej piperi dhe topa uji kundër protestuesve.
Pamjet kur protestuesit tentojnë të hyjnë në presidencë kanë bërë xhiron e rrjetit, ndërsa janë shpërndarë dhe nga kreu i PD-së Sali Berisha.
“Opozitarët Gjeorgjianë pushtojnë pallatin e presidentit kukull të diktatorit!” shkruan Berisha
Opozita pro-perëndimore e vendit ka nisur protestat që prej vitit të kaluar, kur 'Georgian Dream' shpalli fitore në zgjedhjet që kritikët i cilësojnë si të manipuluara.
Pas zgjedhjeve, partia në pushtet pezulloi bisedimet e Gjeorgjisë për anëtarësim në Bashkimin Evropian, duke ndalur papritur një objektiv kombëtar të kahershëm.
© SYRI.net
Vuçiçin e 'gezon' pjesëmarrje e serbëve në votimet në Kosovë, por nuk fsheh mërzinë për golin e Manajt
Ilir Meta i burgosur politik/ Apeli i GJKKO-së lë në fuqi masën e sigurisë për presidentin e PL-së
E pandehur për aferën korruptive të tunelit të Llogarasë, PD kërkesë urgjente për interpelancë me Ballukun
Denonco
Merrni lajmet më të fundit nga SYRI.net në çdo moment dhe kudo që të jeni!
