Forca të shumta policie kanë rrethuar ‘Prestige Resort’ mëngjesin e sotëm pa asnjë paralajmërim dhe njoftim, kurse pushuesit dhe punonjësit janë nxjerrë me forcë.
Po kështu në vend kanë shkuar dhe fadromat e IKMT dhe forcat xheniere.
Nuk dihet ende se cili është qëllimi i këtij aksioni.
Ndërkohë gazeta Panorama ka publikuar një shkresë zyrtare të firmosur nga kryeinspektorja Dallëndyshe Bici, e cila tregon dhe konfirmon që resorti është një objekt i ndërtuar me leje nga Këshilli i Ministrave dhe Këshilli Kombëtar i Territorit.
Në këtë shkresë thuhet ndër te tjera se shoqëria ndërtuese disponon vendimin për miratimin e lejes së ndërtimit për objektin kompleksi truristik “Prestige Holiday Resort”.
Kjo shkrese mban firmën e kryeinspektores Dallëndyshe Bici, që është po e njëjta zonjë që sot ndodhet në krye të IKMT.
Politikanët dhe gazetarët thonë se ky është një sulm i qëllimshëm ndaj lirisë së medias, pasi pronari i këtij resorti është po ashtu pronar i disa prej medieve më të njohura në vend.
© SYRI.net