Pasi i dhunoi dhe u prishi shtëpitë, policia procedon edhe 26 banorë të 'Unazës së Re'

Pasi i dhunoi dhe u prishi shtëpitë, policia procedon edhe 26 banorë të 'Unazës së Re'

21:25, 12/11/2019

Policia e Tiranës procedon 26 banorë të "Unazës së Re" me pretendimin për sulm me gurë, sende të forta dhe bomba molotov ndaj efektivëve.

Në një njoftim për mediat, Policia shprehet ndër të tjera se, si pasojë e sulmit të banorëve mbetën të plagosur 5 punonjës Policisë nga FNSH-ja, Shqiponjat dhe nga Patrullat e përgjithshme si dhe është dëmtuar një automjet.

Njoftimi i Policisë, Tiranë

26 të proceduar për sulmin me gurë, sende të forta dhe bomba molotov ndaj punonjësve të Policisë.

Sot, në rrugën “Teodor Keko”, në afërsi të sheshit “Shqiponja”, Tiranë, rreth orës 06:00 të mëngjesit një grup personash, në bashkëpunim me njëri-tjetrin kanë goditur me gurë, sende të forta dhe bomba molotov punonjësit e policisë si dhe punonjësit e policisë bashkiake, të cilët ishin dislokuar në këtë rrugë për të ushtruar detyrën në lidhje me zbatimin e planit të masës për shembjen e 33 objekteve që preken nga projekti i rrugës.

Si pasojë e sulmit me gurë, sende të forta dhe bombave molotov mbetën të plagosur 5 punonjës Policisë nga FNSH-ja, Shqiponjat dhe nga Patrullat e përgjithshme. Gjithashtu, gjatë sulmit me gurë e sende të forta dhe bombave molotov, është dëmtuar 1 automjet i Policisë.

Në lidhje me ngjarjen, specialistët për Hetimin e Krimit në Komisariatin e Policisë Nr. 6 në përfundim të veprimeve hetimore, bazuar prova dhe pamje filmike të ditëve paraardhëse nën drejtimin e Prokurorisë së Rrethit Gjyqësor Tiranë bënë ndalimin për veprën penale “Kundërshtim me dhunë të punonjësit të policisë së rendit”, të shtetasit në kërkim Sh.S., 46 vjeç, banues në Tiranë.

Gjithashtu, në vijim të veprimeve u proceduan në gjëndje të lirë për veprat penale “Organizimi dhe pjesmarrja në grumbullime dhe manifestime të paligjshme”, “Goditje për shkak të detyrës”, “Kundërshtimi me dhunë i punonjësit të policisë së rendit”, “Prishje e rendit dhe e qetësisë publike”, “Mbajtja dhe përdorimi i lëndëve plasëse dhe piroteknike”, dhe “Shkatërrim prone” i 25 shtetasve, nga 22 deri në 73 vjeç.

Vijon puna hetimore nga ana e strukturave të policisë në bashkëpunim e Prokurorinë e Rrethit Gjyqësor Tiranë, për identifikimin e personave të tjerë përgjegjës në lidhje me këtë ngjarje.

Materialet procedurale i kaluan Prokurorisë së Rrethit Gjyqësor Tiranë, për veprime të mëtejshme hetimore.

© SYRI.net

Lexo edhe:

Komentet

Gramoz13/11/2019 20:16

Tipike e qelbesirave te kuqe, kelyshet e koleres se kuqe, veprojne po nje soj si baballaret e tyre bastarde komuniste, pasi ju merrnin shtepi, pasuri e katandi atyre qe i konsideronin kulake, qe ne fakt ishin pasuruar me pune dhe djersen e ballit, me ne fund kur nuk kishin ça ti merrnin me, i merrnin edhe jeten! Te njejten gje po bejne sot horrat dhe banditet ne pushtet, nuk ngopen qe ju rrafshojne shtepi e katandi, por edhe i keqtrajtojne dhe i burgosin!

Shto koment

Denonco