FOTO/ Ndahet nga jeta mjeku i mirënjohur shqiptar

FOTO/ Ndahet nga jeta mjeku i mirënjohur shqiptar

12:56, 18/08/2019
A+ Aa A-

Ish-kryeministri Sali Berisha ka njoftuar sot ndarjen nga jeta të Profesor Doktorit Thoma Kristo.

Me një mesazh në Facebook, ish-kryeministri Berisha shkruan se mjeku kardiopediatër, themeluesi i kësaj katedre dhe njeriu i qindra artikujsh, monografish e tekstesh nuk jeton më.

‘Profesor Thoma Kristo do të ishte gjithashtu ndër të parët në mbeshtetjen e forcave demokratike dhe mbeti gjithnjë një mbështetes i palëkundur i tyre në Shqipëri’, shkruan ish-kryeministri Berisha.

Ai ka shprehur ngushëllimet për familjen e Profesor Doktorit Thoma Kristo.

Më poshtë, mesazhi i plotë i ish-kryeministrit Sali Berisha:

Mjekësia shqiptare humbi nje kollos te saj!

Profesor Dr Thoma Kristo nuk është me!

Te dashur miq, me ndarjen nga jeta te Prof. Dr. Thoma Kristos mjekesia shqiptare bie ne zi. Ajo humbi nje kollos te saj ndersa shoqeria jone nje humanist te shquar.

Prof Dr Thoma Kristo ishte njeri nga personalitetet me te shquara te mjeksise shqiptare, njeri nga pionieret dhe themeluesit e Fakultetit te Mjeksise dhe Sherbimit te Pediatrise dhe Kardio Pediatrise ne Shqiperi.

Ne dekada pune e perkushtimi dhe humanizmi te te madh, me aftesite e tij te veçanta Thoma Kristo ndihmo, diagnostikoi, mjekoi, sheroi dhe shpetoi jeten mijra e mijra femijeve te semure nga te kater anet e vendit. Profesor Thoma Kristo si njeri nder me te paret pedagog te Fakultetit te Mjeksise dha nje kontribut tejet te çmuar ne pregatitjen e generatave te tera te mjekve te pergjithshem dhe specialisteve ne fushen e pediatrise dhe kardiopediatrise.

Studiues, shkencetar i apasionuar ai eshte autor i nje serie te gjate kerkimesh te rendesishme shkencore, artikujsh, monografish, tekstesh qe qendrojne ne themelet e Mjekesise, Pediatrise dhe Kardiopediatrise te Shqiperise.

Profesor Thoma Kristo do te ishte gjithashtu nder te paret ne mbeshtetjen e forcave demokratike dhe mbeti gjithnje nje mbeshtetes i palekundur i tyre ne Shqiperi.

Duke u perulur me nderim dhe mirenjohje te thelle para kujtimit dhe vepres se tij shpreh ngushellimet e mia me te ndjera familjes, miqve, te afermvete te ndjerit Profesor Thoma Kristo dhe lutem se bashku me ta qe shpirti i tij i mire te gjeje paqen e merituar. sb

Image

© SYRI.net

Lexo edhe:

Komentet

Shto koment

Denonco