Ish deputeti demokrat Gent Strazimri ka reaguar pas një ceremonie zyrtare të organizuar nga Minsitri Brendshëm Lleshi për hapjen e zyrës së EURPOL në Shqipëri.
Ai ironizon thinjen se kjo e paska integruar shqipërinë në Europë. “Prania permanente e operacionale e EUROPOL në Shqipëri, tregon se ky vend është kthyer në strofkull të të shumëkërkuarve që "menaxhojnë" organizatat kriminale në Evropë!”, shkruan ish deputeti demokrat.
Ja postimi i plotë i tij:
Me demek, meqenëse "D.E.A." amerikane ka hapur zyrë permanente operacionale në Tiranë në kohën e Saje qorrit, qenkemi "integruar de facto në SHBA", madje për meritë të Saje qorrit, "të pandehurit" më të suksesshëm që keni patur?!
E vërteta është krejt e kundërta!
Shërbimet e sigurisë së partnerëve, harxhojnë fonde dhe burime njerëzore në Shqipëri, sepse krimi po kontrollon gjithçka, që nga Policia, prokurori, gjykata, administrata, qeveria e parlamenti!
Askush prej partnerëve nuk ka fonde e njerëz tepër, për t'i angazhuar në një vend ku policia e bën vetë punën e saj, kontrollon vetë territorin, godet vetë kontigjentin kriminal, si deri në vitin 2013 kur Policia e Shtetit dërgonte oficerë të infiltruar për ndihmë në BE, në luftën kundër organizatave kriminale shqiptare.
E vërteta është se:
- prania permanente e operacionale e D.E.A. në Shqipëri tregon se kokaina është kthyer në problem jo vetëm për ne, por edhe për amerikanët.
* prania e permanente, e operacionale e FRONTEX në Shqipëri, tregon se ky vend nuk i ruan dot kufinjtë e vet.
* prania permanente e operacionale e EUROPOL në Shqipëri, tregon se ky vend është kthyer në strofkull të të shumëkërkuarve që "menaxhojnë" organizatat kriminale në Evropë!
Kjo është e vërteta, karagjoz! Karagjoz ti, dhe cilido që të vjen pas fijes në këtë dramë krimnaliteti!
© SYRI.net