VIDEO/ Basha: Tërheqja e KiE, distancim nga 30 Qershori i paligjshëm i Edi Ramës

VIDEO/ Basha: Tërheqja e KiE, distancim nga 30 Qershori i paligjshëm i Edi Ramës

14:32, 26/06/2019

Kryetari i opozitës Lulzim Basha në një deklaratë për shtyp nga selia e Partisë Demokratike.

Basha deklaroi se tërheqja e Këshillit të Europës është sinjali i parë që 30 qershori nuk është i ligjshëm.

‘Sot bota perëndimore dha sinjalin e parë, të qartë dhe të prerë, se 30 Qershori nuk është ditë zgjedhjesh në Shqipëri.

Vendimi i Kongresit të Autoriteteve Rajonale e Lokale të Këshillit të Europës për të anuluar dërgimin e Delegacionit Vëzhgues për farsën elektorale që po tenton të zhvillojë Edi Rama, është fakt kuptimplotë se në 30 Qershor nuk ka zgjedhje në Shqipëri.

Për herë të parë nga rënia e komunizmit, Këshilli i Europës ka vendosur të mos dërgojë Delegacion Vëzhgues për zgjedhjet, pavarësisht ftesës që i ka bërë Qeveria shqiptare. Këtë vendim Këshilli i Europës e ka marrë jo sepse ia ka kërkuar opozita, por sepse 30 Qershori nuk është ligjërisht ditë zgjedhjesh në Shqipëri.

Ky është një vendim qartësisht politik sepse është një tërheqje që Këshilli i Europës nuk e ka bërë as për zgjedhje të zhvilluara në zona konfliktesh të armatosura apo konflikti civil nga Ukraina në Gjeorgji nga Armenia dhe Azerbajxhani apo edhe gjatë konfliktit të armatosur në Maqedoni.

Duhet të mbahet parasysh se Këshilli i Europës është institucioni kryesor i monitorimit të zgjedhjeve vendore në Europë.

Tërheqja e Këshillit të Europës, institucionit kryesor europian të mbrojtjes së të drejtave të njeriut dhe demokracisë, është distancim i qartë nga votimet farsë një-partiake, anti-demokratike dhe anti-kushtetuese që kërkon të bëjë Edi Rama’, u shpreh lideri i opozitës Lulzim Basha.

© SYRI.net

Lexo edhe:

Komentet

taulant balla26/06/2019 15:39

ne njohim vetem Borscardt.ai i ven pikat mbi pidh.kemi edhe Sorecen,fleckenshtein,kahn,e cfare nuk kemi ne.do fitojme edhe komunen e Shkupit

Shto koment

Denonco