‘’Air Albania”, kompani shqiptare e fluturimit që u reklamua me bujë nga ana e qeverisë shqiptare, duket se është zhdukur nga qarkullimi ditët e fundit.
Madje ka zëra që turqit e ”Turkish Airlines”, që kishin rreth 49% të aksioneve në këtë kompani, kanë vendosur të mos vazhdojnë me investimin e tyre në vendin tonë.
Ndërkohë që askund nuk duken as avionët me mbishkrimin e Air Albania dhe me emrat e shkrimtarëve më të mëdhenj të vendit, si Lasgush Pogradeci.
Për të gjithë këtë situatë dhe për heshtjen e qeverisë shqiptare, përmes një fotoje ka ironizuar keq dhe ish kryebashkiaku i natës për Tiranën, Briken Fejzullai.
Duke huazuar mirëmëngjesin e Ramës, Fejzullai shkruan: MIRËMËNGJES, Dhe me këtë foto të këtij grupi turistësh elitarë shqiptarë, teksa hipin tek Air Albania për të parë Stambollin, ju uroj një ditë të mbarë!
Kujtojmë se fluturimet e para të Air Albania u ndoqën në mënyrë të veçantë nga ERTV-ja e kryeministrit Rama, ndërsa qenë gazetarë, pensionistë dhe studentë të ekselencës të parët që provuan aventurën e fluturimit me këtë linjë ajrore.
© SYRI.net
hip ketu shiko stambollin