Trafik droge nga Amerika Latine dhe pastrim parash/ Apeli i GJKKO lë në burg për Aleks Pepën

Gjykata e Posaçme e Apelit për Korrupsionin dhe Krimin e Organizuar ka lënë në fuqi masën e sigurisë “arrest në burg” për Aleks Pepën dhe Aleks Pepën, të cilët kundërshtuan në apel vendimin e Shkallës së Parë.

Vendimi u dha këtë të martë (7 korrik 2026) nga gjyqtarja Saida Dollani, e cila shqyrtoi ankimin e paraqitur nga të hetuarit A.P. (alias Sh.P.), i identifikuar si Aleks Pepa, dhe I.L.  i identifikuar si Ilir Lazri.

Dy të hetuarit kishin ankimuar vendimin nr. 41, datë 6 qershor 2026, të Gjykatës së Posaçme të Shkallës së Parë për Korrupsionin dhe Krimin e Organizuar, duke kërkuar ndryshimin e vendimit për vazhdimin e masës së sigurimit.

Aleks Pepa bashkë me vëllain e tij Jetmir Pepa akuzohen se kanë trafikuar sasi të mëdha kokaine nga Amerika Latine drejt vendeve të BE-së. ndërsa në Shqipëri, përmes vëllait tjetër dhe bashkëpunëtorëve të tyre kanë pastruar miliona euro. Kompania Pepa group në emër të vëllezërve rezulton se ka fituar tendera publikë.

Në përfundim të shqyrtimit, Apeli i GJKKO vendosi të miratojë si vendimin nr. 20, datë 14 prill 2026, me të cilin ishte caktuar masa e sigurisë, ashtu edhe vendimin nr. 41, datë 6 qershor 2026, duke lënë në fuqi masën “arrest në burg” për të dy të hetuarit, Aleks Pepën dhe I.L.

Njoftimi i Apelit:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më datë 07.07.2026, disponoi për çështjen penale nr. 26 akti, datë 29.06.2026 regjistrimi, mbi ankimin e ankuesve A.P (alias Sh.P) dhe I.L: “Ankim kundër vendimit nr. 41, datë 06.06.2026, të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: 1. Marrjen në pyetje të personave të arrestuar A.P (alias Sh.P) dhe I.L, të arrestuar në zbatim të vendimit Nr. 20, datë 14.04.2026, të Gjykatës së Posaçme të Shkallës së Parë për Korrupsionin dhe Krimin e Organizuar, për caktimin e masës së sigurimit. 2.

Vazhdimin e masës së sigurimit “Arrest në burg” parashikuar nga neni 238 i K.Pr.Penale, të caktuar me vendimin Nr. 20, datë 14.04.2026, të Gjykatës së Posaçme të Shkallës së Parë për Korrupsionin dhe Krimin e Organizuar, ndaj shtetasve nën hetim A.P (alias Sh.P) dhe I.L.”, si vijon: 1-Miratimin e disponimit nr. 20, datë 14.04.2026 dhe të disponimit nr. 41, datë 06.06.2026 të Gjykatës së Posaçme të Shkallës së Parë për Korrupsionin dhe Krimin e Organizuar, në lidhje me të hetuarin A. (alias Sh.) P. 2-Miratimin e disponimit nr. 20, datë 14.04.2026 dhe të disponimit nr. 41, datë 06.06.2026 të Gjykatës së Posaçme të Shkallës së Parë për Korrupsionin dhe Krimin e Organizuar, në lidhje me të hetuarin I.L.