Ditën e sotme, 27-maj, në kryeqytet ndodhi tragjedia e radhës në sektorin e ndërtimit, një 28 vjeçar humbi jetën pasi ra nga një lartësi e konsiderueshme e një pallati në ndërtim.
Edhe këtë herë shkak i aksidentit në punë dyshohet mosrespektimi i kushteve të sigurisë teknike në punë, teksa Inspektoriati i Punës është totalisht inekzistent.
KSSH (Konfederata e Sindikatave te Shqiperise) në një njoftim për mediat i shpreh ngushëllime familjes dhe kërkon zbardhjen e plotë të ngjarjes.
Ky është aksidenti i pestë në punë me viktima për këtë muaj.
Në 21 Maj në minierën e Martaneshin humbi jetën minatori Armand Peshku, dhe po në 21 maj në një gurore në Vlorë, humbi jetën punëtori Jurgen Veshaj.
Lexo edhe: https://www.syri.net/kronike/690563/humb-jeten-i-riu-ne-vlore-e-zene-guret-e-gurores-poshte/
Ngjarje të trajtuara gjerësisht edhe në Syri Televizion.
Në 9 Maj në Shëngjin humbi jetën pasi ra nga lartësia punëtori i ndërtimit Emiljano Frroku, ndërsa dy ditë më pas në Shëngjin humbi jetën në punë punëtori i ndërtimit Dedë Gjoni.
Këto shifra janë dramatike për një vend të vogël si Shqipëria, ndaj institucionet që mos qëndrojnë indiferente.
© SYRI.net