Një tjetër punëtor ka humbur jetën sot në Tiranë, pasi ka rënë nga skelat e pallatit ku punonte. 28-vjeçari me inicialet A.F punonte në një godinë në rrugën “Aleksandër Moisiu”. Ngjarja ka ndodhur rreth orës 8:20. Një grup hetimor ka shkuar në vendin e ngjarjes për të zbuluar shkakun e rrëzimit të tij.

Njoftimi paraprak i Policisë së Tiranës: "Më datë 27.05.2024, rreth orës 08:20, në rrugën “Aleksandër Mojsiu”, në një pallat në ndërtim e sipër, duke punuar ka rënë nga lartësia shtetasi A. F., 28 vjeç, i cili si pasojë e dëmtimeve të marra ka humbur jetën. Grupi hetimor po punon për sqarimin e rrethanave të ngjarjes."