Informacione të reja kanë dalë në lidhje me ngjarjen e rëndë të ndodhur në Shkodër, ku një nënë së bashku me 3 fëmijët është hedhur në lumin Buna, pasi dyshohet se është dhunuar vazhdimisht nga bashkëshorti.

Gazetari Fation Gjinaj raporton se është gjetur edhe fëmija i dytë në lumin Buna, e cila është vajza 8 vjeçare. Ndërkaq, vijojnë kërkimet për trupin e nënës dhe djalit.

Kujtojmë se Alma Arrazi së bashku me tre fëmijët kanë shkuar pranë urës së Bunës dhe aty dyshohet se janë hedhur në lumë.

Për pasojë, dyshohet se ata janë mbytur. Pas ngjarjes, është arrestuar bashkëshorti i saj, që është nën akuzë për dhunë në familje dhe shkaktim i vetëvrasjes.