Pak orë para nisjes së protestës së opozitës, përgatitjet janë drejt fundit për një ngjarje të tillë. Në fotot e mëposhtme shihet qartë situata në bulevardin "Dëshmorët e Kombit", ku edhe është bllokuar qarkullimi i automjeteve.
Policia ka vendosur gardh metalik përballë Kryeministrisë, që është edhe zona ku do të mblidhen qytetarët.
Ndërkohë po vendoset edhe podiumi nga ku do të flasin krerët e opozitës.
Segmentet rrugore që janë të bllokuara 2 orë para nisjes së protestës deri në përfundim të saj janë:
Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.
© SYRI.net