Personi 55-vjeçar i cili u gjet i djegur mëngjesin e kësaj të hëne brenda një makine, mësohet të ketë qenë pjesëtar i Ushtrisë Çlirimtare të Kosovës.

Shefqet Krasniqi, i lindur në vitin 1968 nga fshati Jeshkovë, Prizren, është identiteti i personit i cili sipas policisë dyshohet se ka zgjedhur djegien brenda veturës për t’i dhënë fund jetës.

Për ndarjen nga jeta të ish-ushtarit të UÇK-së ka folur edhe kryetari i Nismë, Zafir Berisha i cili me anë të një postimi në Facebook, e ka quajtur këtë, një lajm të tmerrshëm.