Me këmbët e djegura, të fashuara në spital, 14-vjeçari Gentian Bilo që i ka shpëtuar një vdekjeje të tmerrshme bashkë me gjyshen e tij, Lutfijen Fanën, ka treguar sot nga spitali i Vlorës se si gjatë natës, atë bashkë me gjyshen, i ka rrahur dhe mbyllur në shtëpi, duke i vënë më pas zjarrin, ish-bashkëshorti i mamasë, Agim Bajrami.
Pas divorcit me mamanë e tij, Bajrami i ka kërcënuar shpeshherë dhe nmbrëmjen e së premtes, ka ardhur dhe e ka goditur në kokë gjyshen, e cila është shtrirë në spital në krah të tij e tronditur nga ngjarja, e shkatërruar edhe nga varfëria.
Agim Bajrami, tregoi i mituri, i ka dhunuar dhe i ka mbyllur brenda në banesë për t’i djegur, duke u mbyllur derën, pasi kishin marrë kërcënime të shumta se do t’i vriste.
Rreth orës 2 të mëngjesit, Agimi bashkë me një person tjetër kishte dhunuar fillimisht gjyshen Lutfijen, me grushta në fytyrë dhe në kokë e me pas edhe 14- vjetarin.
“Të gjitha këto konflikte kanë ndodhur pas ndarjes së nënës sime”.
“Ne kemi bërë denocime në Polici më parë dhe atij nuk i lejohet të futet në Shqipëri, por nuk e dimë se si ka kaluar” tha ai.
© SYRI.net