Në fushën e blogjeve dhe influencës në mediat sociale, shqiptarët kanë figura të njohura që krijojnë trende dhe imponojnë standarde të reja çdo ditë.

Një nga ato figura është dhe Sarah Berisha, e cila ka arritur të grumbullojë një numër të madh ndjekësish dhe bashkëpunime të suksesshme. Mbrëmjen e djeshme, gjatë një interviste në emisionin “Në Kurthin e Piter Pan”, Sara foli hollësisht për karrierën e saj dhe rrugëtimin si blogere.

Me një prani të spikatur në rrjetet sociale dhe një influencë që shkon përtej thjesht ndarjes së përmbajtjes, Sarah tregon se ka nisur që nga puna dhe përkushtimi i thjeshtë.

“Pagesa ime e parë ishte 5 mijë lekë të reja dhe kam bërë shumë foto”, zbuloi ajo duke folur për fillimet e saj. Ky rrëfim vjen si inspirim për shumë të rinj që janë duke u përpjekur të ndërtojnë një emër në fushën e blogjeve dhe të influencës online.

Sidoqoftë, kur bëhet fjalë për të ardhurat aktuale, Sara ishte më e matur në dhënien e detajeve.

“Për ditët e sotme nuk do doja të flisja me shifra por blogeret paguhen me shifra të mëdha”, theksoi ajo, duke lënë të nënkuptohet se blogerët e suksesshëm si ajo mund të marrin kompensime të konsiderueshme për punën e tyre.