Kombëtarja e Egjiptit është pritur me entuziazëm të jashtëzakonshëm në El Alamein pas kthimit nga Shtetet e Bashkuara, ku u eliminua në fazën e 1/8-ave të Kupës së Botës. Avioni special i EgyptAir me futbollistët dhe stafin teknik u ul në aeroportin e qytetit, ku qindra tifozë me flamuj dhe pankarta kishin dalë për t'i përshëndetur.
Pamjet e transmetuara drejtpërdrejt nga televizioni shtetëror Al Qahera treguan atmosferën festive, ndërsa lojtarët u pritën me duartrokitje dhe brohoritje. Brenda terminalit, futbollistët firmosën autografe dhe u takuan me tifozët, përpara një fotografie gjigante nga ndeshja dramatike ndaj Argjentinës.
Pas daljes nga aeroporti, kombëtarja u shoqërua me autobusë të hapur nëpër rrugët e El Alameinit, mes mijëra qytetarëve që festonin paraqitjen e ekipit në Botëror. Në mbrëmje është planifikuar një ceremoni e madhe në nder të skuadrës, e cila do të kalojë një ditë në qytet përpara se të udhëtojë me autobus drejt Kajros.
Nesër, futbollistët dhe stafi teknik do të priten nga presidenti i Egjiptit, Abdel Fattah Al Sisi, në një ceremoni zyrtare.
Megjithëse u eliminua në fazën e 1/8-ave, media egjiptiane e ka cilësuar ecurinë e kombëtares në Kupën e Botës si "një rrugëtim të jashtëzakonshëm", duke vlerësuar paraqitjet e skuadrës, ndërsa nuk kanë munguar as kritikat për disa vendime të arbitrave gjatë ndeshjeve.
© SYRI.net
FIFA nxjerr në shitje mbi 1 mijë bileta të tjera për finalen e Botërorit, çmimi arrin nga 7 deri 33 mijë dollarë
Haaland mbështet një fëmijë brazilian viktimë të bullizmit: Mos i ndrysho flokët, mos dëgjo çfarë thonë të tjerët!
Messi sfidon logjikën, luan më shumë duke ecur, por mbetet lojtari më vendimtar i Botërorit
Denonco
Merrni lajmet më të fundit nga SYRI.net në çdo moment dhe kudo që të jeni!
