Vëllezërit Grimm, Jacob dhe Wilhelm, janë të njohur për dhjetëra përralla ikonike, por studiuesit kanë zbuluar së fundmi 27 vëllime të tjera origjinale.

Punimet u gjetën në bibliotekën e Polonisë në Bibliotekën Universitare të Poznanit dhe besohet se kanë qenë pjesë e koleksionit privat të dy burrave.

Librat përmbajnë shënime të shkruara me dorë që mund të zbulojnë se si vëllezërit zgjodhën temat për tregimet si 'Hansel dhe Gretel' dhe 'Rumpelstiltskin'.

Zbulimi u bë nga shkencëtarët në Universitetin Adama Mickiewicz të Polonisë, të cilët kaluan gjashtë muaj duke analizuar çdo libër me shpresën për të gjetur serinë që mendohej se ishte shkatërruar në Luftën e Dytë Botërore.

"Vëllimet e gjetura në Bibliotekën Universitare të Poznanit nga koleksioni privat i librave të vëllezërve Grimm, të konsideruar të humbur që nga fundi i Luftës së Dytë Botërore, mund të kontribuojnë ndjeshëm në rritjen e studimeve bashkëkohore për vëllezërit Grimm dhe të japin shpresë se koleksioni i BUP përmban artikuj të tjerë - të konsideruar të humbur - nga biblioteka private e Jacob dhe Wilhelm', shkruan studiuesit këtë muaj.

Jacob dhe Wilhelm, më të mëdhenjtë nga gjashtë vëllezërit, kanë lindur në vitet 1785 dhe 1786. Ata ishin akademikë gjermanë që filluan karrierën e tyre duke shkruar këngë popullore dhe tregime për miqtë e tyre. Më pas vëllezërit u morën me ese kritike ku gjetën një dashuri për letërsinë dhe shkrimet e tjera.

Siç vunë në dukje studiuesit, shënimet janë të vlefshme për kërkimin e trashëgimisë së Grimm-ëve, pasi ato mund të japin një pasqyrë të metodës së tyre të punës dhe zgjedhjes së temave.

Koleksioni i famshëm i Grimm-ëve përmban legjenda, novela dhe tregime popullore që janë bërë tregime të dashura për fëmijë - por versioni origjinal është konsideruar shumë i errët për veshët e tyre.

Nëse mund t'ju ketë lexuar ndonjëherë Hirushja kur keni qenë fëmijë, me siguri nuk do ta njihni këtë ekstrakt - ku motrat e njerkës nxiten nga nëna e tyre që të vetëgjymtohen në një përpjekje për t'u martuar me princin. Por princi vuri re gjakun që rridhte në pantoflën 'e artë', duke penguar kështu mashtrimin e tyre të shëmtuar. Dhe tema e errët mund të gjendet në pothuajse të gjitha tregimet e tyre.

Librat datojnë nga vitet 1700 deri në 1800 dhe paraqesin përralla të reja të palexuara ndonjëherë nga publiku deri më tani, a si një përrallë për një kalorës trim dhe një princeshë me emrin Magelona.

Por koleksioni i fundit i gjetur në bibliotekë mund të zbulojë pse vëllezërit zgjodhën ide të tilla për veprat e tyre. Në shënime dhe indekse ka shkrime që shpjegojnë pse vëllezërit zgjodhën temat, materialet me burim dhe shënime të tjera.

"Vëllimet e gjetura në Bibliotekën Universitare mendohej prej kohësh se kishin humbur gjatë Luftës së Dytë Botërore", thanë studiuesit.

"Ata kanë vlerë të konsiderueshme në kontributin e tyre në zhvillimin e kërkimit modern mbi prodhimin letrar dhe shkencor të vëllezërve.

"Vetë fakti që ato janë gjetur na lejon të besojmë se koleksionet e librave në bibliotekë mund të mbajnë vëllime të tjera që i përkisnin koleksionit privat të librave të Jakob dhe Wilhelm Grimm-it."