Territori i qarkut Elbasan është përfshirë nga stuhi dhe reshje të dendura shiu. Për pasojë, në disa qytete, fshatra, rrugë dhe toka bujqësore ka pasur edhe përmbytje.

Në mesditë reshjet e shiut u “rrudhën” në qytetin e Elbasanit duke sjellë vështirësi në qarkullimin e automjeteve.

Po kështu probleme ka pasur edhe në rrugët kombëtare dhe rrugët dytësore si pasojë e rërshqitjes së baltës, gurëve dhe inerteve.

Në disa fshatra raportohet se reshjet kanë shkaktuar dëme të mëdha në mbjelljet e stinës. Kështu janë dëmtuar sipërfaqe të mbjella me grurë dhe foragjere. Ndërsa në disa zona të tjera breshëri ka dëmtuar dru frutorët dhe serat e mbjella me perime.

Para dy ditësh një përrua rrezikoi një lagje të tërë në Gramsh dhe u desh ndërhyrja e zjarrfikëseve. Njoftime për probleme me reshjet ka nga Peqini, Belshi, Cërriku, Gramshi, Elbasani, Librazhdi dhe Përrenjasi. Infoelbasani.al