Ndërtimi i impiantit të plehrave në zonën e tyre ka zemëruar banorët e fshatrave Verri, Kallm i Madh dhe Kallm i Vogël, të cilët paraditen e së martës dhe sot sërish kanë protestuar duke shkuar  tek vendi ku firma ka nis punimet.

Banorët pohojnë se nuk janë dakort me ndërtimin e këtij impianti në zonën e tyre pasi  ata janë zemra e Myzeqesë, janë kryesorët e prodhimit të zarzavateve e perimeve si dhe të qumështit. Ata pohojnë se prodhohen 20 mijë litra qumësht që merren nga dy firma të mëdha e shiten në të gjithë Shqipërinë, janë mijra kuintal prodhime zarzavate e perime që shiten në cdo cep të Shqipërisë , atëherë me ndërtimin e impiantit të plehrave jo vetëm ne si banorë jemi të rezikuar por gjithë shqiptarët, thonë ata për alb365.

Nga ana tjetër përfaqësues të firmës që po kryenin punimet  kan pasur debat me disa persona që ishin edhe pronarë toke pasi sipas pronarëve të tokës ata nuk e kan shitur tokën dhe punimet kan filluar në tokën e tyre pa marrë OK-in e pronarëve kur pronarët u kanë thënë që në tokë të mbjell nuk do hyn makineri.

Banorët pohojnë se protestat do të vazhdojnë derisa  të mos ndërtohet impianti I përpunimit të plehrave jo në Verri por as në Myzeqe, thane ata.