Në sondazhin e radhës të organizuar nga SYRI.net bëhej pyetja: “A do të aplikoni për lotarinë amerikane”.

Ashtu siç pritej një shumicë dërmuese i është përgjigjur pa hezitim se, “po”. Ndjekësit tanë të cilët kanë në plan të aplikojnë për tu larguar nga Shqipëria drejt SHBA-ve janë 84.9% të pjesëmarrësve ose 1499 persona.

Nga ana tjetër një pakicë, por jo shumë e vogël e pjesëmarrësve, 15.1% ose 281 persona nuk kanë ndërmend ta provojnë shansin për tu bërë nënshtetas amerikanë.

Gjithsesi përqindja e atyre që kërkojnë të largohet nga vendi është jashtëzakonisht shumë e lartë dhe duket se arsyeja nuk është thjesht për të siguruar një jetë me standarde nga më të lartat në botë siç është ajo në SHBA, por edhe për arsye të humbjes së shpresës në Shqipëri.