Kunati i ish-ministrit Saimir Tahiri, pasi shokoi opinionin me homazhin e tij në nderim të bosit famëkeq të mafias italiane, është alarmuar kur mesazhi i tij në Fb u publikua në të gjitha mediat.

Sot, Alban Berisha, ka reaguar ndaj atij  homazhi aq prekës duke pretenduar se nuk është shkruar prej tij. Ai, nëpërmjet profilit të mikut të tij Gent Dudushi, ka reaguar duke rrëfyer se dikush po përdor telefonin e tij që i ka humbur dhe po e diskretiton në publik.  

 “Ju lutemi, kush e ka gjetur telefonin dhe po e përdor në mënyrë të pandershme dhe të pandërgjegjshme facebookun tim, ju lutem ta dorëzoni sa më parë në rajonin e policisë më të afërt. Po më diskreditoni me këtë status që më keni bërë. Me respekt Alban Berisha”, shkruan ai