Ekipi i CS:GO nga Kosova, Bad News Eagles, arriti fitoren e katërt në kualifikimet e “Blast.tv Paris Major 2023”, pasi mposhtën ekipin Gamer Legion me rezultatin 2-1.
Dueli i parë u zhvillua në Mirage, ku sinnopsyy, rigoN, juanflatroo, gxx- dhe SENER1, u treguan bindshëm më të mirë duke e mbyllur me shifrat 16-7, ndërsa me shifrat 16-14, Bad News Eagles pësuan në Ancient.
Dueli i tretë dhe vendimtar u zhvillua në Vertigo, ku BNE triumfuan me shifrat 16-7.
Shqiponjat kosovare me fitoren e djeshme ndaj FAZE siguruan pjesëmarrjen në Majorin e Parisit që do të zhvillohet nga 8 deri më 21 maj, por me triumfin e sotëm kanë kaluar direkt në nivelin e dytë të garës, “Legends”, ku marrin pjesë 16 ekipet më të mira të garës.
© SYRI.net
Bëje LIKE dhe merr lajmin e fundit nga Sporti: