Shuhet zëri ikonik i futbollit në Angli, Motson ndërron jetë në moshën 77-vjeçare

17:10, 23/02/2023

Komentatori ikonë britanik, John Motson, ka vdekur në moshën 77-vjeçare.

I njohur në ishull si “Motty”, Motson filloi të prezantojë e të komentojë futbollin në “BBC” në vitin 1971. Që atëherë, deri në pensionimin e tij në vitin 2018, ai mbuloi dhjetë Kupa Bote dhe po aq Kampionate Evropiane, si dhe 29 finale të Kupës FA, duke u bërë zëri më i njohur i futbollit britanik në dekadat e fundit.

Ndeshja e fundit që ai komentoi ishte përballja e Crystal Palace me West Bromëich në vitin 2018.

Në të njëtën kohë, ai u bë i njohur gjerësisht për bashkëpunimin e tij me “EA Sports”, pasi që nga viti 1996 zëri i tij shfaqej në komentet e videolojës më të njohur, FIFA.

© SYRI.net

Lexo edhe:

• Dilemat e trajnerit të Spanjës, përpilon një para-listë me 57 lojtarë
• Gjimshiti fiton derbin e shqiptarëve, Atalanta zyrtarisht në Champions
• Bundesliga/ Verdiktet finale të këtij edicioni, Bayern e mbyll i 3-ti