Arsenali dhe Real Madridi duket se po shkojnë drejt një përplasje të fortë në merkaton e ardhshme teksa të dyja klubet kanë si objektiv sulmuesin e Atalantës, Rasmus Hojlund.
Danezi është duke zhvilluar sezonin e parë në elitën italiane të futbollit.
Gjashtë gola dhe dy asiste, kanë bërë që londinezët dhe madrilenët të kthejnë vëmendjen nga 20-vjeçari, i cili për nga fiziku cilësohet edhe si sozia e Erling Haaland.
Synimi i Real Madridit është që me anë të Hojlund të zëvendësojnë Karim Benzema teksa sulmuesi nordik ka edhe pëlqimin e presidentit Florentino Perez, i cili e sheh 20-vjeçarin si një lojtar të denjë për të fituar “Topin e Artë” në të ardhmen,
Megjithatë, rruga për tek Hojlund nuk është e lehtë, pasi Arsenali do të bëjë rezistencë dhe do të luftojë për danezin, ndërsa janë duke formuluar një ofertë të parezistueshme për italianët.
Hojlund e ka nisur karrierën e tij tek Copenhagen aty ku shënoi pesë gola në 32 ndeshje, me sulmuesin që më pas kaloi te Sturm Graz në Austri ku shënoi 12 gola në 21 ndeshje ndërsa tashmë 20-vjeçari është bërë pjesë edhe e kombëtares.
Tashmë, Hojlund është pjesë e Atalantës dhe e ardhmja duket e ndritur për sulmuesin.
© SYRI.net
Dilemat e trajnerit të Spanjës, përpilon një para-listë me 57 lojtarë
Gjimshiti fiton derbin e shqiptarëve, Atalanta zyrtarisht në Champions
Bundesliga/ Verdiktet finale të këtij edicioni, Bayern e mbyll i 3-tiBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
