Sulmuesi i Kombëtares së Kosovës, Vedat Muriqi, ishte një nga protagonistët kryesor ku Mallorca arriti fitore 4-2 ndaj Villarrealit në javën e 22-të në La Liga.
Muriqi realizoi një gol dhe dhuroi një asist (te goli i Kadewere) në këtë ndeshje tejet interesante.
Lojtari kosovar luajti deri në minutën e 81-të, pastaj u zëvendësua nga Prats.
Sipas sajtit të njohur ‘Sofascore’, Vedat Muriqi ishte një nga lojtarët më të mirë në fushë. Ai kishte notën 7.8, me një gol dhe një asist – një shans të krijuar dhe 3 goditje në portë.
Muriqi poashtu i ndihmoi klubit të tij edhe në aspektin defensiv, ku pati tri spastrime të topit branda zonës.
‘Pirati’ ashtu siç e quajnë në Mallorca tani ka shkuar në kuotën e nëntë golave në La Liga, më shumë se yjet e kësaj lige, si: Griezmann, Alvaro Morata dhe Vinicius Juniors.
© SYRI.net
Bëje LIKE dhe merr lajmin e fundit nga Sporti: