Gazeta e njohur spanjolle AS ka publikuar lajmin se Miralem Pjanic do të qëndrojë në Barcelonë sezonin e ardhshëm, duke pretenduar se për këtë tashmë të mërkurën e ka njoftuar futbollistin tonë trajneri i katalanasve, Xavi Hernandez.
Lojërat e shkëlqyera gjatë përgatitjeve e kanë bindur Xavi-n që ta mbajë Pjanic në skuadër dhe vendimi, mëson AS, është marrë në fillim të javës, menjëherë pas kthimit nga turneu amerikan.
Xavi dhe Pjanic zhvilluan një takim këtë të mërkurë, ku trajneri i Barcelonës e njoftoi atë për synimin e klubit për ta mbajtur atë me kusht që të pranojë një ulje rroge nga kontrata aktuale, e cila arrin në shtatë milionë euro në vit, pretendon AS .
Trajneri i Barcelonës beson se Pjanic është një zëvendësues ideal për Sergio Busquets - ai ka të gjitha karakteristikat e një lojtari pozicional dhe e kupton në mënyrë të përsosur rolin e të luajturit të një mesfushori mbrojtës, si në mbrojtje ashtu edhe në sulm.
Pengesa e fundit për të qëndruar Pjanic ishte paga e tij e lartë, por futbollisti boshnjak tashmë ka rënë dakord për uljen e të ardhurave në mënyrë që të vazhdojë të mbajë fanellën e Blaugrane.
Qëndrimi i Pjanic-it e vendos Nica Gonzalez në një situatë shumë delikate. Mesfushori i ri mund të ketë shumë pak minuta në konkurrencën e ashpër në mesin e fushës dhe nuk përjashtohet që të shkojë në formë huazimi.
Sonte në orën 20:00, Barcelona do të luajë një miqësore kundër UNAM-it të Meksikës dhe pritet të ketë mundësi të luajë edhe Pjanic.
© SYRI.net
Emocione dhe lot në lamtumirën e Jurgen Klopp nga Liverpooli
Bilanci i pabesueshëm, Guardiola fiton një trofe çdo 23 ndeshje
Interi merr trofeun e Serie A para tifozëveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
