Lautaro Martinez këmbëngul se objektivat e ekipit janë më të rëndësishëm se çmimet individuale si “Topi i Artë”, por thotë se Interi dhe agjentët e tij janë ende duke diskutuar një zgjatje të kontratës.
Golashënuesi kryesor i Serie A, Lautaro Martinez, priti Premio Gentleman në Milano të enjten mbrëma dhe foli shkurtimisht nga skena përpara se të merrte çmimin.
“Jam vërtet i lumtur dhe krenar për atë që po bëj në karrierën time. Unë jam gjithmonë mirënjohës për bashkëlojtarët e mi, anëtarët e stafit dhe tifozët që vazhdojnë të na mbështesin”, ka thënë fillimisht Lautaro.
A e priste ai një kohë kaq të suksesshme në Inter kur iu bashkua klubit në 2018?
“Sinqerisht, jo, por unë kam punuar shumë që nga dita e parë dhe Interi më ka ndihmuar gjithmonë, ndaj jam mirënjohës dhe përpiqem ta tregoj atë në fushë. Ne duam të vazhdojmë kështu”.
Argjentinasi buzëqeshi kur gazetarët i kërkuan një përditësim në lidhje me një zgjatje të kontratës me gjigantët e Serie A.
“Ne po punojmë dhe shpresojmë të arrijmë një marrëveshje”, tha sulmuesi, duke buzëqeshur përpara se të takonte drejtorin e klubit Giuseppe Marotta.
Së fundmi, ai u pyet nëse ëndërron të fitojë “Topin e Artë” një ditë.
“Natyrisht, unë gjithmonë them se punoj për të ndihmuar bashkëlojtarët e mi dhe Interin dhe për t’i sjellë ata gjithnjë e më lart. Çmimet individuale janë të rëndësishme, por skuadra është gjëja më e rëndësishme”, përfundoi sulmuesi.
Lautaro ka shënuar 27 gola në 43 paraqitje në të gjitha garat këtë sezon dhe kontrata e tij në “San Siro” skadon në qershor 2026.
Piero Ausilio, drejtori sportiv i Interit, së fundmi tha se zgjatja e kontratës së Lautaros mund të nënshkruhet pas Barellës.
26-vjeçari argjentinas ka shënuar 129 gola në 281 paraqitje me Interin dhe ka fituar Kupën e Botës me Argjentinën në vitin 2022.
© SYRI.net
Shqipëri-Azerbajxhan, prova gjenerale përpara “EURO 2024”
Europiani i Atletikës/ Luiza Gega zbret sot në pistë si kampione në fuqi, edhe Izmir Smajlaj në kërkim të finales
Sot testi i fundit para EURO 2024-ës/ Shqipëria luan ndaj Azerbajxhanit, ja formacioni i mundshëmBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
