Policia e Kosovës ka arrestuar sot në Prizren një person që ishte në kërkim aktiv, në kuadër të Planit Operativ “Urdhëresat 2025”.
Sipas njoftimit, njësitë e Task Forcës pranë Stacionit Policor në Prizren kanë lokalizuar dhe arrestuar të dyshuarin T.F., mashkull nga Prizreni, ndaj të cilit kishte urdhër-arrest të lëshuar nga Gjykata Themelore në Prizren dhe aktvendim të plotfuqishëm për vuajtje të dënimit.
I arrestuari është dënuar me 10 muaj e 20 ditë burgim efektiv për vepra penale që lidhen me narkotikë.
Pas arrestimit, ai është shoqëruar në Stacionin Policor në Prizren dhe më pas është dërguar në institucionin korrektues për vuajtjen e dënimit.
Policia e Kosovës ka bërë të ditur se do të vazhdojë me zbatimin e urdhëresave gjyqësore dhe veprimet për garantimin e sigurisë publike.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Incident i rëndë në Gjilan: Një person sulmohet në kokë me shufër hekuri
Kapet arsenal armësh në Podujevë me destinacion Gjermaninë – tre persona në kërkim
Kurti: S’kishim nevojë për zgjedhje të reja, së shpejti nis puna për formimin e institucioneve