Prokuroria e Ferizajt kërkon paraburgim ndaj të dyshuarit për vrasje

Prokuroria Themelore e Ferizajt, ka njoftuar se ka bërë kërkesë për caktimin e masës së paraburgimit prej 30 ditësh ndaj të dyshuarit F.L.

Ai dyshohet se ka kryer vepren penale “Vrasje e rëndë”.

Sipas organit të akuzës, ekziston dyshimi i bazuar se më datë 23.01.2025, në orët e pasdites, në malet e fshatit Manastirc të komunës së Ferizajt, i pandehuri F.L., në mënyrë mizore dhe për motive ende të panjohura ka privuar nga jeta viktimën B.V.

” i njëjti më pas e gropos viktimën në një vend në mal, me qëllim të fshehjes dhe zhdukjes së gjurmëve dhe largohet nga vendi i ngjarjes, kurse më datë 05.02.2025 nga disa persona të fshatit Manastirc gjendet trupi i pajetë i viktimës B.V.”, thuhet në njoftimin e kësaj prokurorie.

I pandehuri F.L., që nga data 5 Shkurt 2025, me vendim të Prokurorit të Shtetit gjendet nën masën e ndalimit 48 orësh për veprën penale të lartëcekur.

© SYRI.net

Lexo edhe:

• Mitrovica nis instalimin e kamerave të sigurisë publike
• Incident i rëndë në Gjilan: Një person sulmohet në kokë me shufër hekuri
• Kapet arsenal armësh në Podujevë me destinacion Gjermaninë – tre persona në kërkim